نبذه عن الحبارى والكروان والارنب

[ابوطيبة الكتلوني]

السلام عليكم ورحمة الله وبركاته
نبذة عن الارانب والحباري والكراوين
اليكم بعض من اسماء حالات على مايكون عليه
الصيد فمثلا عندما تطلع الارنب وتهرب ماذا تسمي ؟؟
والكروان ويش حالته في النهار وفي الليل
وهكذا.
ونبدأ اولا بـــ:
1- الــحــبـــارى

هي المفضله لدي الصقار والقانص فهو يفضلها على ماسواها , يعني لو تجي صقار وتقوله فيه 5 كراوين وفيه حباري ويش تبي؟؟ يقولك على طول: ابي الحباري الكراوين ويش ابيبها جعل القوم اتصيدها.هذا صحيح يضحي بالكراوين من اجل حبارى, فالحباري تختلف عن الكروان قليل فهي في الليل
تعشي مثل الكروان ولكنها اذا قرب نصف الليل تاخذ لها غطه (غفوه) حتى الصباح (وبعض الحباري
بينما هي نايمه يصيدها ابي الحصين وتروح ضحيه نومه او في مكان عتش اي شجره كثيف فتجد بعض الحباري وانت تقص جرتها اذا شافت الوعر تتجنبه خوف من الافتراس او الفخ واذا اطلعت الشمس تجدها تسير على جهه الشمس قليل ثم تذهب الى حيث شاءت , واذا انتصف النهار تحبري اي تمشي بتأني وعلى الراحه وهي تطالع لفوق وذلك خوفا من الحوم حوم الطير, لانه لو شافها حول عليها...
واذا جاء اعصير تكثر في المشي (هذا اذا كانت عابره اي ماهي رابه في محل معين لان اللي ترب محل
معين ماتتعداها ليلها ونهارها فيه.واذا احست الحبارى بخوف تجري او تخمر خوف من ان يراها العدو.اي كان انسان ولا طير ولا حيوان. وجرت الحبارى وهي هاربه تسمي ثرها هارب .
اما النوع الثاني الذي يفضله الصقار بعد الحبارى فهو :

2-الــكــروان

يكون في الليل يمشي بحث عن الاكل وهو لايتوقف في الليل ابدا ماغير يدوج بالفياض
لما يظهر عليه نور الصبح فاذا قرب طلوع الفجر بحث عن حصاة او جرم او شجره تكون صغيره
لانه يخاف يلبد تحت اشجره كبيره فيفاجه العدو (ثعلب او قطو او كلب او راعي مشعاب) فيختار
الاشياء الصغيره لكي يرى من جميع الجهات
ويأتي في المرتبه الاخيره :
3-الارنـــب:



وتاتي المرتبه الثالث للصقار وفيه صقاقير يفضلونها بعد الحبارى والكروان
والارنب نفس مخطط الكروان في الليل ساريه وفي النهار رابضه, ماتتحرك في النهار الا يحركها
احد ويستدل على الارنب بجرتها فذوات الخبره يعرفون من حركات ثرها متى هل هي اول الليل
او منتصف الليل او اخره.والارنب سريعه جدا ويفضولون صيدها بالسلوقي وبعضهم يحب يهد طيره عليها.وتسمى الارنب
اذا طلعت من الشجره تسمى نافج او نفيج او نفجت الارنب,, اما اذا كانت في القيض فتحصلها وقت الحراره امام زربها(بيت الارنب لانها في الحر تحت لها زرب لتقي نفسها حراره الشمس) فتشوفها على بعد.وهي شديده المراوغه من الطير ومن السلوقي ومن اسباب التي سوف يساهم في انقراض الارنب وهو السبب الاساسي هو :
التنوار(البحث عنها بالليل بواسطه انوار السياره او الكشاف)
وتجد بعض القـوانيص الله يهديهم يبحثون عنها بالليل وهي ضعيفه لاتستطيع الهروب امام الكشاف او نور السياره.ويوجد البعض اللي يهد طيره على الارنب على النور .

[boloshy]

مشكور اخي ابوطيبة

تقبل تحياتي

[omar]

[عطاء الفرنسي]

[ابوطيبة الكتلوني]

شكرا لمروركم